我的貓友結婚呀~

好開心呀~~ 我的好友(貓友)結婚啦~

Snowball & Wilson, 祝您地白頭到老, 永遠都幸福快樂!! 仲有係同d貓快樂咁生活!!

廣州一日遊

3月17日, 去左廣州, 睇左好多野, 仲同左亨利個爸爸食飯.

不過唔可以講去睇咩, 因為要保持神秘 :P

我的扮靚小百科

識我既人都知, 其實我都幾貪靚, 著衫方面我就無太大研究, 因為要成日行街買衫真係好花時間同金錢, 反而護膚同化妝我就有d心得

我的皮膚好差, 細個時勁多暗瘡, 又唔識處理, 令到d印同疤痕都好多, 而且又油又乾. 不過而家已經好左好多, 當中真係化左好多心機, 咁我借呢個blog都講下啦

1)飲水 & 睡眠 : 真係好緊要, 平時一定要飲多d清水, 甜既飲品係大敵
2)適當的清潔 : 早晚落妝同洗面一定唔可以懶, 洗完一定要用爽膚水平衡PH, 我自己慣用form, 不過一定唔好用令皮膚乾燥的產品, kanebo的form係非常之好, 乾淨得黎唔會dry up d皮膚
3)保濕 : 一定要!! 油性皮膚唔代表唔搽保濕!! 平時用較爽的lotion, kanebo的lotion幾好, 勁乾時可以用biotherm的lotion. 保濕mask係冬天必備!!

減肥秘技 - Wii

肥嘟嘟既我開始醒覺, 我得番七個月減肥!!!

我既目標係減十磅, 不過我完全無實質的計劃... 但係玩過Wii, 即刻令我覺得有一線曙光!! 於是豪化$2700大元, 購入Wii同賤兔game!! (okok... 我知大家都知係借口 :P)

同d friend一齊玩賤兔game真係超開心, 令我覺得無買錯到, 希望佢真係幫到我減一磅半磅啦!!

澳門遊

激死... 公司開唔到新版blog.... 唯有係屋企先update到

同左亨利去澳門玩, 懷住興奮的心情, 因為呢度係我地初期拍拖的地方, 所以好懷念. 我地住既星際酒店係新建成既, 好大好靚, 雖然貴少少都值得, 不過澳門真係好細, 去左永利賭場見識過後, 都無咩地方去.

最攪鬼既係去左ponte 16, 我地公司中左標既地盆, 我仲影左相添!!

亨利同我都覺得下次唔再黎澳門啦, 咁... 不如我地下次去日本呀?!